سفید مو تیا کیا ہوتا ہے ؟
ہر آنکھ میں ایک عدسہ ہوتا ہے جو بالکل شفاف ہوتا ہے اور نظر آنے والی چیزوں کی تصویر پردہ بصارت پر بناتا ہے مختلف وجوہات کے باعث یہ بے رنگ اور شفاف عدسہ گدلا ہو کر سفید موتی کی شکل اختیار کر لیتا ہے جس سے بینائی متاثر ہو جاتی ہے بینائی اسی تناسب سے متاثر ہوتی رہتی ہے جس تناسب سے شفافیت کم ہوتی جاتی ہے۔اِسی بیما ری کا نام سفید مو تیا ہے۔ نیچے دی گئی تصاویر پر غور کرنے سے آپ کو اچھی طرح سمجھ آ سکتی ہے:
دائیں طرف کا عدسہ شفاف ہے جبکہ بائیں طرف کا عدسہ گدلا ہو چکا ہے
سفید موتیا کیوں بن جاتا ہے؟
بےشمار متفرق وجوہ سے قدرتی عدسہ گدلا ہو جاتا ہے مثلاً
- عمر کے بڑھنے سے اکثر لوگوں کا عدسہ خراب ہو کر گدلا ہو جاتا ہے۔
- آنکھ کو چوٹ لگنے سے موتیا بن جاتا ہے۔
- شوگر اور اس طرح کی کئی بیماریاں قدرتی لینز کو گدلا کر دیتی ہیں۔
- سٹیرائیڈز اور دیگر کئی بیماریاں قدرتی لینز کو خراب کرکے سفید موتیا بنا دیتی ہیں۔