کیا کمپیوٹر کے تھوڑے بہت استعمال سے بھی مسائل کا سامنا کرنا پڑتا ہے؟
اصل میں ایک بہت اہم غلطی کو سمجھنے کی ضرورت ہے۔ ہم کمپیوٹر کے بڑے محدود تصور تک اس تکلیف کو جوڑنے کی کوشش کرتے ہیں حالانکہ ہماری زندگیوں میں کمپیوٹر کا استعمال بہت ہی زیادہ بڑھ چکا ہے۔ موبائل کا استعمال بھی تو دراصل کمپیوٹر کا استعمال ہے بالخصوص جدید موبائل، اسی طرح گیمیں، مختلف قسم کی پیشہ ورانہ مشینیں ، وغیرہ وغیرہ۔ اِن سب کے استعمال کے اثرات وہی ہیں جو عرفِ عام میں کمپیوٹر کے استعمال کے ہیں۔ ٹی وی کے استعمال کو تو ہم بالکل ہی بھول جاتے ہیں۔
اس طرح اگر دیکھا جائے تو کمپیوٹر ویژن سنڈروم کے متاثرین میں طلبہ، دفتروں میں کام کرنے والے اور خواتین سب شامل ہیں۔ لیکن ایک خطرناک حقیقت یہ ہے کہ بچوں کی ایک بہت بڑی تعداد اس سے متاثر ہو رہی ہے۔ جدید تحقیقات تو اس طرف بھی اشارہ کر رہی ہیں کہ بچوں کی نظر کی کمزوری میں اس بات سے بھی اثر پڑتا ہے کہ وہ کمپیوٹر پر کتنا وقت صرف کرتا ہے اور کیسے صرف کرتا ہے۔
آئی سپشلسٹوں کے پاس آنے والے مریضوں کی ایک بہت بڑی تعداد دراصل متاثرینِ کمپیوٹرز پر مشتمل ہوتی ہے اگرچہ اس حوالے سے تشخیص ہو یا نہ ہو۔
