میرے بچے کی آنکھوں میں کبھی کبھی ٹیڑھا پن کا شک ہونے لگتا ہے؟ مجھے کیا کرنا چاہئے؟
جب آپ بچے کی مختلف تصاویر کو دھیان سے دیکھیں گے یا اُس کی ویڈیو بنا کر دیکھیں گے اچھی طرح واضح ہو جائے گا کہ مسئلہ ہے یا نہیں۔ اگر موجود ہو تو فوراً الرٹ ہو جائیں! اگر بچوں میں کبھی کبھی تھوڑا سا ٹیڑھا پن محسوس ہوتا ہے خصوصاً کسی ایک آنکھ میں! یہ قریب سے سکرین دیکھنے کے سائیڈ ایفیکٹٹکا آغاز ہے۔ خطرہ ہے کہیں نظر بھی کمزور نہ ہو جائے اور کہیں ٹیڑھا پن یعنی squint نہ پیدا ہو جائے! شروع میں تو صرف سکرین ٹائم کنٹرول کرنا ہی کافی ہوتا ہے۔
اگر دیوار پر ٹی وی لگا ہو تو کیا اُس کو دیکھنے سے بھی یہ مسائل پیدا ہو جائیں گے؟
نہیں اُس کا اتنا مسئلہ نہیں جتنا موبائل فون اور ٹیپ یا لیپ ٹاپ کا ہے! ایک انتہائی اہم بات یہ ہے کہ مسلسل دیکھنے کا دورانیہ کتنا ہے؟ آدھے گھنٹے سے زیادہ نہیں ہونا چاہئے۔ اور چوبیس گھنٹے میں سب ملا کر زیادہ سے زیادہ تین گھنٹے۔ اِس سے زیادہ بالکل نہیں۔ اور جو وقفے کا وقت ہے اُس میں اُسے 20 فٹ یا زیادہ فاصلے پر دیکھنے پر کچھ وقت صرف کرنا چاہئے۔
کوئی تبصرہ نہیں